Մեր պատմությունը
2016 թվականից ի վեր «Ֆիլմադարան» կինոմշակույթի զարգացման հասարակական կազմակերպությունն ընդարձակ գործունեություն է ծավալում մշակութային ոլորտում՝ ինչպես Հայաստանում, այնպես էլ արտասահմանում։
«Ֆիլմադարանը» եզակի կազմակերպություն է հայաստանյան կինոյի ասպարեզում, որը կլոր տարի զանազան միջոցառումներ է կազմակերպում՝ փառատոններ, կինոցուցադրություններ, աշխատարաններ, հրատարակում է գրքեր և նկարահանում ֆիլմեր։
Մեր գործունեությունը
Կինոցուցադրություններ
«Ծիրանի ծառ» կինոփառատոնից զատ՝ «Ֆիլմադարան» ՀԿ-ն հարյուրավոր ցուցադրություններ է կազմակերպել Երևանում, Հայաստանի մարզերում և արտասահմանում:
- 2018-2022 թվականներին Երևանի «Գյոթե» կենտրոնի հետ կազմակերպել է գերմանական կինոյի ակումբ՝ թարգմանելով և ցուցադրելով ավելի, քան 60 դասական և նոր ֆիլմ։
- 2022-ից առայսօր Հայաստանում ֆրանսիական ինստիտուտի հետ Ազգային գրադարանում կազմակերպում է Ciné-club-ը՝ ֆրանսիական կինոյի ակումբը, որի շրջանակում թարգմանվել և ցուցադրվել է 60-ից ավելի հին ու նոր ֆրանսիական ֆիլմ։
- 2021 թվականի հոկտեմբերին հայկական կինոյի ծրագիր է կազմակերպվել Բելգրադի էթնոլոգիական ֆիլմերի միջազգային փառատոնի շրջանակում։
- 2023 թվականի նոյեմբերին Ամստերդամի MACA մշակութային կենտրոնում կազմակերպվել է հայ կինոյի 100-ամյակին նվիրված «Պատկանելիության կինո» ծրագիրը, որի հասույթն ուղղվել է Արցախից բռնի տեղահանված հայերի կարիքներին։
- 2023 թվականի նոյեմբերին Գրանադայի «Սինեմիստիկա» միջազգային կինոփառատոնի շրջանակում կազմակերպվել է հայ կինոյի 100-ամյակին նվիրված հետահայաց ծրագիր։
- 2024 թվականի նոյեմբերին Գրանադայի «Սինեմիստիկա» միջազգային կինոփառատոնի շրջանակում կազմակերպվել է Փարաջանովի 100-ամյակին նվիրված ռետրոսպեկտիվ, ցուցահանդես և միջազգային գիտաժողով։
Ֆիլմարտադրություն
2016 թվականից ի վեր «Ֆիլմադարան» ՀԿ-ն արտադրել կամ համարտադրել է մոտ մեկ տասնյակ վավերագրական և խաղարկային ֆիլմ:
-
Ստվերների թատրոն
- Այրուձի 🖼️
-
Անդրեյ Բելին. Հայաստան
- Ուջանյան պատմություն 🖼️
- Իմ Ռայշոֆեն 🖼️
-
Կաֆկա
- Սահմանը մեր ներսում 🖼️
-
Հավետ կարմիրը
Գրահրատարակչություն
«Ֆիլմադարանը» հրատարակել է մոտ մեկ տասնյակ գիրք:
- 2019-ին՝ «Իմ Երևան» գիրք-ալբոմը
- 2020-ին՝ «Փարաջանով․ նամակներ կալանավայրից» ժողովածուի երկրորդ հրատարակությունը
- 2021-ին՝ «Փարաջանով․ Intermezzo» գիրքը
- 2023-ին՝ «Հայկական կինո․ նյութեր և փաստաթղթեր (1909-1936 թթ․)» բացառիկ ժողովածուն
- 2024-ին՝ «Նռան գույնը»․ ֆիլմի վավերագիր պատմություն» (ռուսերեն) գիրքը
- 2026-ին՝ «Հայկական կինո․ նյութեր և փաստաթղթեր (1937-1957)» ժողովածուն (հայերեն/ռուսերեն/անգլերեն)
Աշխատարաններ
Հիմնադրումից ի վեր «Ֆիլմադարան» ՀԿ-ն իրականացրել է բազմաթիվ կրթական ծրագրեր:
- 2019 թվականից ի վեր Հայաստանի տարբեր գյուղերում իրականացվում է կինոդպրոցի ծրագիրը, որի շրջանակում գյուղացի երեխաները սովորում են ստեղծագործել և ստեղծել սեփական ֆիլմերը։ 2025 թվականի դրությամբ՝ ծրագրի շրջանակում ստեղծվել է շուրջ 25 կարճամետրաժ ֆիլմ, որոնց մի մասը կարելի է դիտել այստեղ։
- 2019 թվականի մարտին Երևանի թատրոնի և կինոյի պետական ինստիտուտի ու Հայ-ռուսական (Սլավոնական) համալսարանի 15 կինոուսանող մասնակցել են «Ֆիլմադարան» ՀԿ-ի և Երևանի «Գյոթե» կենտրոնի կազմակերպած «Սև դաշտ» կինոաշխատարանին, որը վարում էր մեծանուն գերմանացի ռեժիսոր, օպերատոր և մանկավարժ Ֆրեդ Քելեմենը։
- 2019 թվականի ապրիլին «Ֆիլմադարանը» և գերմանական High Art Bureau ընկերությունը կազմակերպել են Հայ-ռուսական (Սլավոնական) համալսարանի և բեռլինյան DFFB-ի կինոուսանողների փորձի փոխանակման ծրագիրը Երևանում։
- 2022 թվականի ամռանը Ժողովրդական արվեստի «Հանգույց» հիմնադրամի աջակցությամբ կազմակերպվեց կինոաշխատարան, որը վարում էր «Ֆիլմադարան» ՀԿ-ի նախագահ, կինոգետ և կինոռեժիսոր Գարեգին Զաքոյանը։
- 2025 թվականին «Ծիրանի ծառ» կինոփառատոնի շրջանակում կազմակերպվեց կինոռեժիսոր և Բրյուսելի «Միլենիում» կինոփառատոնի գեղարվեստական ղեկավար Զլատինա Ռուսևայի աշխատարանը Հայաստանից և ԵՄ-ից սկսնակ 8 ռեժիսորների համար, որն իրականացվեց Հայաստանում ԵՄ պատվիրակության, EUNIC Հայաստանի և «Գյոթե» ինստիտուտի աջակցությամբ։
- 2025 թվականի «Ծիրանի ծառ» կինոփառատոնի շրջանակում կազմակերպվեց իտալուհի ռեժիսոր և մանկավարժ Մարտա Վիոլանտեի կինոաշխատարանը գյուղացի երեխաների համար, որն իրականացվեց Հայաստանում Իտալիայի դեսպանության աջակցությամբ։
Միջազգային համագործակցություն
Միջազգային ասպարեզում «Ֆիլմադարանը» ծրագրեր է իրականացնում՝ նպատակ ունենալով նպաստել արտասահմանում հայկական կինոյի հանրահռչակմանը։
Գործընկեր կազմակերպություններ
- Բրյուսելի «Միլենիում» միջազգային կինոփառատոն
- Գրանադայի «Սինեմիստիկա» միջազգային կինոփառատոն
- Բելգրադի էթնոլոգիական ֆիլմերի միջազգային փառատոն
- Սինեդոկ-Թբիլիսի միջազգային կինոփառատոն
Կապ մեզ հետ
Մենք միշտ պատրաստ ենք լսել ձեր առաջարկությունները և պատասխանել հարցերին
Կապ մեզ հետ
Էլ. փոստ
filmadaran@gmail.com
Հասցե
Երևան, Հայաստան
